SHFK “Ismail Qemali” – Shkup, Çair
Në bazë të nenit 75 të Ligjit për arsimin fillor (Gazeta Zyrtare e Republikës së Maqedonisë së Veriut nr. 161/19, 229/20, 3/25 dhe 74/25) dhe Rregullores për lëvdata dhe shpërblime, emërimin dhe përzgjedhjen e nxënësit të gjeneratës në SHFK “Ismail Qemali”, Shkup-Çair, Komisioni për përzgjedhjen e nxënësit të gjeneratës për vitin shkollor 2025/2026, gjenerata 2017/2026, shpall:
━━━━━━━━━━━━━━━━━━
KONKURS
Për përzgjedhjen e nxënësit të gjeneratës për klasat e nënta
━━━━━━━━━━━━━━━━━━
Të drejtë pjesëmarrjeje ka çdo nxënës i rregullt i klasës së nëntë në SHFK “Ismail Qemali”, Shkup-Çair, i cili i plotëson këto kushte:
Sukses i shkëlqyeshëm i vazhdueshëm nga klasa VI deri në klasën IX;
Sjellje shembullore në fund të çdo viti shkollor nga klasa VI deri në IX;
Të mos ketë qenë i ndëshkuar me asnjë masë pedagogjike gjatë shkollimit;
Të tregojë sjellje shembullore në shkollë dhe jashtë saj;
Pjesëmarrje në gara shkollore, rajonale, shtetërore dhe ndërkombëtare në lëndë mësimore dhe aktivitete të lira (nga klasa VI deri në IX), e dëshmuar me dokument përkatës;
Të ketë fituar çmime, diploma, mirënjohje ose falënderime gjatë arsimit fillor (nga klasa VI deri në IX);
Të ketë treguar interes për pjesëmarrje në aktivitete, promovime dhe projekte për avancimin e shkollës;
Numri i mungesave të paarsyetuara gjatë vitit të mos jetë më shumë se 10 (për çdo vit shkollor veçmas).
━━━━━━━━━━━━━━━━━━
Dokumentet e nevojshme:
Kërkesë
Kopje të dëftesave nga klasa VI deri në VIII
Diploma, mirënjohje, falënderime dhe vërtetime
Vërtetim nga kujdestari i klasës për sjelljen e nxënësit
━━━━━━━━━━━━━━━━━━
Dokumentet nxënësit duhet t’i dorëzojnë në zarf në shkollë te bashkëpunëtori profesional (psikologu, pedagogu, defektologu), me shënimin:
“Komisionit për përzgjedhjen e nxënësit të gjeneratës”
Çdo ditë pune nga ora 08:00 deri në 14:00
Në periudhën prej 13.05.2026 deri më 29.05.2026
━━━━━━━━━━━━━━━━━━
Komisioni do t’i shqyrtojë të gjitha dokumentet e dorëzuara dhe do të veprojë sipas kritereve të përcaktuara në Rregulloren për emërim, përzgjedhje dhe shpallje të nxënësit të gjeneratës dhe nxënësve të dalluar.
Dokumentet jo të plota dhe ato të dorëzuara pas afatit nuk do të merren në shqyrtim.
━━━━━━━━━━━━━━━━━━
Komisioni për përzgjedhjen e nxënësit të gjeneratës dhe nxënësve të dalluar
Data: 12.05.2026
Drejtor:Teuta Imeri
